5 Provedores Rekening Online Konfiavel & Famozu Iha Mundu Negosiu Online

Kuandu involve iha atividades negosiu online ou negosiu iha mundu internet, perguntas mak ema barak hakarak husu maka oinsa ho maneira pagamentus? No oinsa mos karik hakarak retira osan ba rekening banku lokal?

Similariu ho mundu real, iha mundu internet mos presija metodu pagamentus substitutu osan fiziku no kartaun debitu / kreditu mak realmente rekonyesidu no konfiavel espesialmente bodik-ba se'e deit mak hala'o atividades transaksaun finanseiru ou negosiu online.

Para fasilita transaksaun pagamentu iha mundu internet, finalmente mosu Rekening Online ou Rekening Internet. Ate agora, disponivel ona variu tipu Rekening Online nudar meius / instrumentu pagamentu finanseiru iha mundu internet. Rekening Online ne'e importante tebes tamba bele hafasil transaksaun iha mundu Internet ezemplu hanesan kompras sasan iha loja online, simu pagamentus ou transferensia osan entre Rekening Online, no importante tebes maka bele withdraw / retira saldo husi Rekening Online ba Rekening Banku lokal.

Komparadu ho rekening banku lokal, rekening online bele utilizadu nudar media intermediariu transaksaun entre kompradores ou fazedores negosiu online ho komersiante negosiu online atraves internet.

Alende ne'e mos, wainhira utiliza rekening online ita bele hetan benefisiu barak hanesan transaksaun sem disponivel limitasaun distansia no tempu, kustu transaksaun ki'ik komparadu ho transaksaun mak utiliza banku fiziku ou kartaun kreditu, sem presija selu taxa mensal, transaksaun instante, lais no fasil wainhira hakarak loke account rekening online.

Maibe tenki kuidadu kuandu desidi hakarak utiliza rekening online, tamba barak tebes provedores rekening online mak ezisti parsialmente falsu. Autores sujere tenki buka referensia barak kona-ba rekening online mak ho ligalidade klaru no kredivel iha mundu internasional antes kria account.

Tuir mai rezumu badak konaba 5 Provedores Rekening Online mak konfiavel, famozu, no popularidade diak iha mundu negosiu online.

1. PayPal

Se'e deit mak involve iha atividades negosiu online definitivamente hatene ona provedores rekening online ida ne'e. PayPal nudar rekening internet mak famozu no konfiavel tebes. PayPal estabelesidu iha fulan Dezembru tinan 1998. Kuaze parsialmente bo'ot loja online oferese opsaun pagamentu utiliza Payment Processor ne'e. Liu husi milaun 99 utilizador internet prefere liu utiliza PayPal bodik-ba hala'o atividades traksaksaun online. Rekizitu para kria account PayPal fasil tebes somente utiliza enderesu email ativu deit. Entantu, prosesu registrasaun account PayPal presija mos verifikasaun utiliza kartaun kreditu ou bele mos utiliza Virtual Credit Card (VCC).

Notas:
Infelismente ate agora registrasaun account PayPal seidauk disponivel bodik-ba nasaun Timor-Leste, maibe ita bele registu utiliza enderesu husi nasaun mak suportadu ona PayPal, no prosesu verifikasaun account PayPal bele uza VCC. Autores sei esplika iha postajen seluk konaba oinsa verifikasaun PayPal utiliza Virtual Credit Card ne'e.

2. Payoneer

Payoneer nudar kompania mak oferese atendementu transaksaun no pagamentu ne'ebe bele utilizadu online no offline. Kompania ne'e estabelesidu iha New York, Estadu Unidus, tinan 2005. Payoneer fornese Kartaun Debitu MasterCard International ne'ebe ita bele hetan gratuitamente no mos bele utilizadu para dada osan iha ATM ne'ebe deit mak suporta MasterCard. Payoneer mos oferese fasilidade Global Payment Service ne'ebe fasilidade ne'e fornese benefisiu diak bodik-ba ita mak hala'o atividades online nudar Afiliadu Komersiante (Affiliate Marketer) no Freelancer. Rekizitu loke rekening Payoneer maka presija Kartaun Identidade (Eleitoral, BI ou Pasaporte), Email validu no enderesu mak klaru no kompletu.

Info:
Karik hakarak hatene klean liu tan kona-ba Payoneer, Autores sujere favor le'e artiklu konaba Benefisiu Kartaun Debitu Payoneer mak postadu ona iha weblog ne'e.

3. Skrill

Skrill ida husi variu kompania Payment Processor kredivel mak inisialmente utiliza naran MoneyBookers Limited. Kompania ne'e hari'i iha fulan Julu tinan 2001 iha London, Inglatera. Atualmente kompania Skrill reivindikasaun ona katak disponivel milaun 36 resin utilizador registradu iha mundu tomak mak hala'o atividades transaksaun tantu manda no mos simu osan ho liu husi 40 moeda iha 200+ nasaun, ho rihun 156 komersiante mak utiliza solusaun pagamentu husi Skrill nudar Payment Processor konfiavel. Skrill mos nudar solusaun pagamentu online mak altamente popular espesialmente iha mundu jogus online hanesan koretor (broker) forex, online game, online betting, poker, no seluk-seluktan.

Info:
Karik hakarak hatene klean liu tan kona-ba Skrill, Autores sujere favor le'e artiklu konaba Rezumu Konaba Skrill (MoneyBokers) mak postadu ona iha weblog ne'e.

4. Payza

Payza nudar sistema pagamentu online mak similariu ho PayPal. Barak sitiu / website negosiu online iha rai liur utiliza provedores rekening online ne'e para atende prosesu transaksaun online husi kompradores ou fazedores negosiu online. Iha sub jestaun kompania MH Pillars Ltd London, Reinu Unidu, Payza fornese solusaun transaksaun online hanesan pagamentu no manda osan online iha 197 nasaun ho 21 moeda mak diferente. Alende ne'e mos, Payza fornese fasilidades mak interesante tebes, hanesan fornese kartaun kreditu / debitu husi Visa, Bank Wire Transfer, no withdraw / retira osan ba banku lokal. Prosesu registrasaun account Payza somente presija kartaun identidade, maibe karik identidade refere la validu, Payza sei konfirma fila-fali utilizador atravez email no husu para bele aneksu dokumentus seluk nudar rekizitu prosesu validasaun rekening.

Notas:
Infelismente ate agora Payza seidauk disponivel bodik-ba nasaun Timor-Leste, maibe ita bele husu ajuda ba familia ou kolega iha estranjeiru para bele registu utiliza enderesu husi nasaun mak suportadu ona Payza.

5. WebMoney

WebMoney Transfer ou jeralmente kunyesidu ho naran WebMoney, nudar sistema pagamentu online mak fornesidu husi kompania WM Transfer Limited, sentradu iha Rússia. Kompania ne'e estabelesidu desde tinan 1998 no reivindikadu katak disponivel milaun 30 resin utilizador WebMoney. Ho prinsipiu serbisu mak similariu ho sitiu rekening virtual seluk,  Payment Processor ne'e hafasil transaksaun kada individual ou komersiante negosiu online iha internet. Ate agora, barak loja-loja online mak simu pagamentus ho WebMoney.

Notas:
Hanesan mos Paypal no Payza, ate agora WebMoney seidauk disponivel bodik-ba nasaun Timor-Leste. Maibe karik familia ou kolega balun hela iha estranjeiru ne'ebe nasaun refere suportadu ona WebMoney, ita bele husu ajuda para bele registu utiliza identidade no enderesu husi familia ou kolega refere.

Barak alternativu rekening online no mos e-wallet mak ezisti iha mundu internet ne'ebe ita bele uza nudar karteira digital ou banku online para bele hafasil atividades transaksaun online. Portantu, Autores sujere tenki buka uluk referensia konaba vantajen, desvantajen, reputasaun no kredibilidade husi provedores rekening online refere antes deside hakarak registu ou kria account foun.

Boa Sorte!