Oinsa Buka Osan liu husi Utiliza Internet

 Atu buka osan liu husi dalan asesu internet laos difisil maibe laos mos fasil signifika katak atu hetan osan husi internet preciza mos servisu maka'as, badinas, komitmentu no paciencia.

Diak, agora hau sei hatudu espasu hirak maka ita sei uza atu atinji objektivu hodi buka osan liu husi dalan asesu deit internet.

1. Hetan osan liu husi dalan PTC (Paid To Click)

PTC ou paid to click hanesan maneira fasil atu hetan osan gratuita husi internet, iha nebe ita sei hetan osan liu husi dalan Click Iklan ou banner nebe iha website nebe ita vizita. Dala ruma ema barak la imajina oinsa bele click deit hetan ona osan mesmu osan nebe hetan kiik maibe se karik ita badinas maka osan ne'e sei sai barak.

Importante!! maka ita labele tuir PTC barak maibe buka atu konsentra iha PTC ida ou rua deit.

Agora dadaun hau koko hela PTC ida ho naran PTC Clixsense, PTC ida ne'e hari'i no fundasaun metin ona hahu husi tinan 2007 no iha provas katak ema barak ona maka regista iha PTC ne'e.

Husi artigu balun nebe hau le'e PTC ida ne'e hanesan situs tuan iha mundo no valoriza membru nebe click banner ou iklan ida ho presu entre $0,001 - $0,02, no minimu selu kada membru ho registu standart sei selu $6 no ba sira nebe registu ho membru premium sei selu $8.

Nune'e mos atu hetan osan laos deit husi Click Iklan ou banner maibe bele mos hetan liu husi prenche formulariu survey ruma nebe oferece no bele manan mos jogus Clixgrid ho valor entre $0,5 - $5 loron-loron. 

Kuinece Blog Avansadu

Iha posting ida ne'e, hau fahe uituan informasaun kona ba Blog Avansadu karik maluk sira hatene ona ninia signifikadu bele ignora, maibe karik seidauk bele le'e kontinua.

A. Saida maka blog
Blog abreviasaun husi liafuan Weblog, termu nebe primeira vez uza husi Jorn Barger iha fulan Dezembru 1997. Utiliza termu Weblog atu temi grupo husi website privadu ne'ebe sempre atualiza no ligadu ba website seluk nebe sira senti furak no kapas akompanha ho komentariu-komentariu husi sira rasik. Maioria, Weblog bele akumula hanesan mini website privadu para ema ne'ebe kria bele hatudu oin-oin husi tipo web ho fasil hanesan resultadu pesquiza,  grupo link iha internet, dokumentus-dokumentus (file-file Word, PDF, nsst), fotografia nomos multimedia ou filmes.
B. Tipo Blog
Hanesan mos media iha jeralmente, informasaun ne'ebe posting iha blog foti topiku interesante atu tau iha blog. Iha tipu oin-oin husi blog tuir ninia konteudu ne'ebe mak iha hanesan: Blog politika, Blog privadu, Blog saude, Blog linguistika, Blog turista, Blog pesquiza, Blog direitu, Blog media, Blog edukasaun, Blog negocios no seluk-seluk tan.

Tips Seguro Wainhira Utiliza Internet

Sempre kuidadu no responsivu iha interaksaun online tomak.
- Proteje ita nia informasaun pesoal no identidade. Labele fahe identifikasaun no informasaun privadu. Hanoin saida mak ita fahe online ema seluk bele kopia no fahe iha situs publiku.

1. Tenki krítiku ho buat ne’ebe mak ita lee no haree iha online. 
2.  Aplika konfirasaun privada ba foto no imajen sira mak ita fahe liu husi Facebook; koñese ita nia kolega online sira; labele koalia ka hamaluk ho ema deskoñesidu iha rede sosial. 
3. karik sira laos ida mak ita haree ne’e!
4. Hatudu ita nia hahalok diak no respeita ema. 
5. Karik ita atu hasoru belun ruma husi online, tenki ba ho ema boot ruma no hasoru malu iha fatin publiku. 
6. Husu konsellu ba ema adultu, bainhira ita hasoru buat ruma ne’ebe laloos no konfuza ita. 

Hanoin ba katak: buat hotu ne’ebe lao online hela nafatin hanesan online!

Kuinece Domain no Hosting Website

1. Introdusaun
Konyesementu kona ba  domain no hosting. Website ida kompostu husi buat 3 maka hanesan:
Domain : naran / enderesu website
Hosting : fatin atu rai ou quarda file husi  website
Dezenu : Aparensia ou modelu website
Kuandu laiha buat 3 iha leten ne’e website sei labele asesu husi rede internet.
Hanesan ita kompara ho mundu realidade katak website ne’e hanesan uma ida. Domain maka enderesu husi uma ne’e no hosting maka rai no dezenu maka modelu husi uma ne’e rasik.

2. Domain
Domain hanesan naran uniku ne’ebe uza atu kuinece naran husi servidor.
Nomeasaun domain maneja husi  organizasaun ida naran Internet Corporation for Assigned Names and Numbers(ICANN).
Domain fahe  ba parte 3 maka hanesan:
Domain TLD (Top Level Domain) : katak  domain-domain ne’ebe  popular ou kuinecidu liu utiliza iha mundu hanesan .tl, .com, .org, .net, .info no extensaun sira seluk.
Second Level Domain : katak domain level 2 ezemplu maka hanesan  tosc.tl (tosc=second level domain, .com = top level domain). Iha Timor-Leste ita mos konyese domain hanesan .com.tl, .org.tl, .edu.tl, no extensaun sira seluk.
Lower Level Domain : bain-bain konyese hanesan subdomain. ezemplu demo.fdsl.tl, blog.likisahosting.net, nst.