Kuinece Domain no Hosting Website

1. Introdusaun
Konyesementu kona ba  domain no hosting. Website ida kompostu husi buat 3 maka hanesan:
Domain : naran / enderesu website
Hosting : fatin atu rai ou quarda file husi  website
Dezenu : Aparensia ou modelu website
Kuandu laiha buat 3 iha leten ne’e website sei labele asesu husi rede internet.
Hanesan ita kompara ho mundu realidade katak website ne’e hanesan uma ida. Domain maka enderesu husi uma ne’e no hosting maka rai no dezenu maka modelu husi uma ne’e rasik.

2. Domain
Domain hanesan naran uniku ne’ebe uza atu kuinece naran husi servidor.
Nomeasaun domain maneja husi  organizasaun ida naran Internet Corporation for Assigned Names and Numbers(ICANN).
Domain fahe  ba parte 3 maka hanesan:
Domain TLD (Top Level Domain) : katak  domain-domain ne’ebe  popular ou kuinecidu liu utiliza iha mundu hanesan .tl, .com, .org, .net, .info no extensaun sira seluk.
Second Level Domain : katak domain level 2 ezemplu maka hanesan  tosc.tl (tosc=second level domain, .com = top level domain). Iha Timor-Leste ita mos konyese domain hanesan .com.tl, .org.tl, .edu.tl, no extensaun sira seluk.
Lower Level Domain : bain-bain konyese hanesan subdomain. ezemplu demo.fdsl.tl, blog.likisahosting.net, nst.


Tipo husi domain bazeia ba  Top Level Domain. Katak fahe tuir divizaun naran domain ida-idak nian mak hanesan tuir mai:

1. Global Top Level Domain (gTLD) katak domain ne’ebe utiliza ekstensaun global/TLD internasional. Barak los maka utiliza  GTLD iha  website hanesan :
.COM (Commercial) utiliza ba kompania komersiu
.NET (Network) utiliza ba kompania rede/networking
.ORG (organization) utiliza ba Organizasaun sira.
.TV (television) Utiliza ba kompania televizaun.
.GOV (government) utiliza ba iha governu.
No seluk-seluktan.
2. Country Code Top Level Domain (ccTLD)
katak domain ne’ebe dedika especial ba nasaun ida-idak, atu utiliza ekstensaun domain ida ne’e tenki prenche requizitos husi nasaun refere. Ezemplu husi Timor-Leste tenki utiliza domain ho ekstensaun .TL (Timor-Leste) katak ektensaun domain ba nasaun Timor-leste nian.
.AU (Australia) ekstensaun domain ba Australia
.MY (Malaysia) ekstensaun domain ba Malaysia
.UK (United Kingdom) ekstensaun domain ba  Inglatera
.SG (Singapore) ekstensaun domain ba Singapura
no seluk-seluk tan tuir nasaun ida-idak nian.
Maibe ho deit razaun Optimasaun SEO ema barak mak utiliza domain latuir nia dalan hanesan temi iha leten.

3. HostingHosting hanesan fatin atu rai website ou aplikasaun.
Hosting rasik hanesan  PC ou servidor ne’ebe tenki lakan 24/7 non stop. Tamba sekarik hosting mate maka automatikamente domain no website ne’ebe rai iha neba sei labele asesu. Tamba ne’e wainhira ita hakarak halao negosiu online maka tenki hili hosting  ne’ebe kualidade maibe  baratu.
Servidor ne’ebe diak maioria ninia uptime 99%. ou iha fulan ida no tenki lakan to’o horas 715. Bain-bain hosting ida hatudu kedas ninia uptime iha pajina dahuluk.

4. Tipo Hosting
1. Hosting bazeia ba presu:
Free hosting katak hosting ne’ebe oferese ho gratuita.
Trial hosting katak hosting ne’ebe fo ba kliente atu koko ninia karakteristika. Bain-bain faze koko ne’e to’o loron 30-60 deit.
Paid Hosting katak  hosting ne’ebe kliente tenki sosa. Hosting ida ne’e maka ema barak liu uza. Tamba ninia uptime no kualidade servisu ne’ebe diak tebes.
2. Hosting bazeia ba Kliente:
a. Shared hosting katak hosting/servidor ne’ebe ninia utilizasaun hamutuk husi kliente barak  (share). Hosting hanesan ne’e maka barak liu kliente sosa tamba oferece ho presu ne’ebe baratu tebes.
b.Virtual Private Server (VPS) katak servidor hosting ne’ebe utiliza ho privadu (private). Kliente  VPS iha asesu detailhu (full access) ba servidor VPS refere. La hanesan ho opsaun Shared ne’ebe  asesu tuir nivel utilizasaun. Iha servidor kliente bele maneja rasik.
c. Dedicated server katak  servidor ida ne’ebe utiliza husi kliente ida. Servidor ida ne’e ho sistema seguransa ne’ebe diak tamba laiha ema seluk mak interven. Servidor ne’e bain-bain utiliza husi kompania bo’ot ne’ebe iha dadus importante no website ho trafiku bo’ot kada loron.

d. Cloud Hosting katak teknologia  hosting ne’ebe  file-file hosting rai ou quarda iha servidor ida ou liu.  Sistema pagamentu mos diferente husi tipo hosting sira seluk, kliente selu kustu bazeia ba rekursu ne’ebe utiliza.
3. Hosting bazeia ba lokalizasaun
Tuir lolos kada nasaun ida iha ninia servidor rasik ou keta-ketak.  Ida ne’e enfatizada ba segmentasaun geografia. Ezemplu se ita iha Timor-Leste entaun ita sei utiliza servidor iha Timor tamba ita nia tarjetu iha Timor. Se ita nia tarjetu iha Indonesia ita sei utiliza servidor Indonesia (IIX), targetu iha  Asia ita bele uza  servidor iha singapura (SGP) no seluk-seluktan. 

5. Referensia: 
1.http://blog.pusathosting.com
2. http://www.duniailkom.com
3. www.dot.tk/
4. http://www.freedomain.pro
5. https://www.5gbfree.com
6. http://freehostia.com
7. http://hostinger.co.id
8.  http://blog.taryo.net
9. https://byet.host/free-hosting
10.http://dot.tk/