Kuinece Blog Avansadu

Iha posting ida ne'e, hau fahe uituan informasaun kona ba Blog Avansadu karik maluk sira hatene ona ninia signifikadu bele ignora, maibe karik seidauk bele le'e kontinua.

A. Saida maka blog
Blog abreviasaun husi liafuan Weblog, termu nebe primeira vez uza husi Jorn Barger iha fulan Dezembru 1997. Utiliza termu Weblog atu temi grupo husi website privadu ne'ebe sempre atualiza no ligadu ba website seluk nebe sira senti furak no kapas akompanha ho komentariu-komentariu husi sira rasik. Maioria, Weblog bele akumula hanesan mini website privadu para ema ne'ebe kria bele hatudu oin-oin husi tipo web ho fasil hanesan resultadu pesquiza,  grupo link iha internet, dokumentus-dokumentus (file-file Word, PDF, nsst), fotografia nomos multimedia ou filmes.
B. Tipo Blog
Hanesan mos media iha jeralmente, informasaun ne'ebe posting iha blog foti topiku interesante atu tau iha blog. Iha tipu oin-oin husi blog tuir ninia konteudu ne'ebe mak iha hanesan: Blog politika, Blog privadu, Blog saude, Blog linguistika, Blog turista, Blog pesquiza, Blog direitu, Blog media, Blog edukasaun, Blog negocios no seluk-seluk tan.


C. Benefisiu ba utilizasaun Blog
1. Knowledge Sharing. Blog bele sai ou fo benefisiu se ninia konteudu prenche ho sciencias ne'ebe bele beneficia ba ema barak. Ho blog, ema bele fasil atu hetan informasaun bele mos fahe informasaun ba publiku, atu nune'e matenek nebe ita ema iha bele tranfere ou fahe ba ema seluk no bele beneficia ba ema ne'ebe preciza.

2. Bridge Blogging. Blog sei beneficia mos hanesan ponte ba informasaun atu deskobre kondisaun husi nasaun ida iha kontekstu global (ezemplu Inglatera), atu nune'e sai hanesan ponte ba ema seluk atu hetan informasaun nebe adekuadu.

3. Ground Voice, lian husi abut. ho blog, ema bele ho livre hakerek ninia opiniaun kona ba saida deit. Opiniaun-opiniaun sira ne'e mosu no sai hanesan opiniaun ne'ebe forte no bele oinsa opiniaun husi publiku kona ba topiku ida.
4. Ideia Inkubasaun. Bain-bain se ema ida iha ninia ideia, ideia ne'e bele realiza direitamente. Bain-bain mos ideia ne'e mosu iha kakutak no rai tiha iha tempu naruk nia laran to'o prosesu hamatak nia ideia ne'e, lao tuir tempu atu nune'e bele aumenta tan konseptu-konseptu atu halo kompleta tan ideia ne'ebe iha antes atu hakerek iha blog.
5. Media Negocio. Alem blog utiliza ba privadu, blog mos bele uza sai hanesan media atu liga ba atividade negocio (blog negocio) atu nune'e bele hetan rendimentu adicional.
D. Blog Avansadu
Blog Avansadu ne'e rasik la seluk la le'et hanesan tentativas atu blog iha ninia fungsaun ne'ebe kompletu liu kompara ho blog ne'ebe standar (bain-bain) blog avansadu iha ninia rekurso adicional hanesan komentariu, shoutbox no mos dezenu aparencias.
Blog Avansadu bain-bain kuinecidu ho naran Profesional Blog.
E. Aspektu importante husi Blog Avansadu
Atu kria blog nebe avansadu/profesional, iha aspektu balu ne'ebe preciza hare maka hanesan:
1. Aparencias, blog ida sei hare furak ou interesante wainhira ninia aparencias ne'ebe kapa'as liu standar ne'ebe iha.
2. Topiku, decide topiku interesante atu hakerek iha blog halo blog ne'e specifiku liu hodi hato'o informasaun ba publiku.
3. Konteudo Blog, Alem aparencias, kualidade husi konteudo hakerek no informasaun husi blog mos sei afeta ba vizitantes atu vizita blog refere.
4. Karakteristika, Blog ida ita hare avansadu liu wainhira ninia konteudo prenche ho karakteristiku ne'ebe bele halo blog ne'e furak, interesante no interaktivu tebes.
5. SEO(Search Engine Optimation), popularidade blog ida depende mos ba ita oinsa fo kuinecementu ba makina hodi buka hanesan google, yahoo ou bing.
F. Passu atu kria blog avansadu
Atu halo blog ida ho avansadu iha passu hirak maka sei halao hanesan tuir mai ne'e:
1. Kualidade aparencias. Atu halo blog nebe sai avansadu liu ita tenki atualiza ninia aparencias/template/themes ne'ebe furak ba ita nia blog, ida ne'e ita sei halo uza modelu gratuita ne'ebe barak los iha internet liu husi dalan aumenta ou modifika ita nia blog iha ninia kodigu HTML/PHP (preciza kuinecementu uituan iha kodigu HTML/PHP)
Tenta koko atu sinkroniza ninia aparencias ho topiku principal husi blog.

2. Topiku. Passu tuir mai maka decide blog nia Topiku. Topiku hanesan identidade no sai specifiku liu koalia kona ba buat ruma, atu nune'e leitores sira fasil atu le'e no copia.
3. Konteudo Blog. Tau atensaun ba konteudo husi blog ne'ebe ita hakerek atu halo blog ne'e interesante ba leitores sira ita tenki atensaun ho maneira hakerek, rekursus no fontes husi ne'ebe ita hakerek blog ne'e, informasaun hanesan link, foto, no seluk-seluktan tenki tau ninia fontes kompletu.
Labele mos atu copia ema seluk ninia hakerek se la tau mos hakerek nain iha itabo'ot nia blog. Alem ne'e mos tenki mantein kontinuasaun no atualizasaun husi ita nia blog ne'e rasik.
4. Katakteristiku. Atu halo kompleta blog ida tenki ho karakteristiku ne'ebe uniku ho furak hanesan komentarius, galeria foto, animasaun, sugestaun atu nune'e hatudu katak blog ne'e profesional tebes, ita mos bele integra hamutuk ho widget balun ne'ebe foti husi internet.
5. SEO (search engine optimization). Pontu ikus liu maka SEO ida ne'e mos opsaun ida ne'ebe decide popularidade husi ita nia blog maka hanesan oinsa ita fo kuinece ita nia blog ba makina buka sira hanesan Google ou Yahoo, tamba maioria 80% utilizador internet uza makina buka (search engine) atu fasilita informasaun ne'ebe leitores sira hakarak. Iha maneira husi SEO maka tenki hetan ho fasil liu husi aprende iha internet atu nune'e ita nia blog bele aplika no dezenvolve diak liutan.
Mak ne'e deit kuinecementu badak kona ba blog avansadu ba maluk sira ne'ebe interese no hakarak hakerek iha blog be'e kontaktu autor iha: likisahost@gmail.com
Obrigado ba Vizita no Le'e ona..Bom Sucesu.